Павлодар облыстық ЖИТС-тың алдын алу және қарсы күрес жөніндегі орталығы дербес мекеме ретінде 1989 жылдың 1 қыркүйегінде облыстық денсаулық сақтау бөлімінің 1989 жылғы 25 тамыздағы № 486 бұйрығымен ұйымдастырылды.
АИТВ-мен ауруға байланысты бүкіл кезең ішінде ЖИТС қызметінің қалыптасуын 4 кезең түрінде ұсынуға болады:1 - кезең 1989 – 2002 ж.ж. – дайындау және қалыптастыру, тәжірибе жинақтау, басқа өңірлердегі АИТВ-инфекциясы жағдайларынан сабақ алу, семинарлар мен әдеби дереккөздер.
 |
Орталықтың бірінші басшысы жоғары санатты дәрігер-эпидемиолог Федор Федорович Фесенко болды. Оның басшылығымен алғашқы штаттық кесте жасалып, зертхана, эпидемиологиялық, емдеу-алдын алу, ұйымдастыру-әдістемелік бөлімдер ұйымдастырылды.
 |
 |
 |
2-кезең 1996 – 2000 ж.ж. (2000 ж. мамыр) – спорадикалық сырқаттанушылық – 13 жағдай.Павлодар облысында АИТВ-инфекциясының алғашқы жағдайы 1996 жылдың желтоқсанында тіркелді, бұл Теміртау қаласының АИТВ-инфекциясы ошағынан келген инъекциялық есірткіні тұтынушы болды.
3-кезең 2000 ж. мамыр 2001 жылдың соңына дейін-эпидемиялық тарау (422 жағдай).
4-кезең 2002 – 2023 ж.ж. – АИТВ – инфекциясымен сырқаттанушылықтың тұрақтануы.
 |
Эпидемиялық тарауының тұрақтануы кезеңінде орталықтың басшысы профессор С. Б. Иманғазинов болды. Басшының ғылыми көзқарасы арқасында Павлодар облысының денсаулық сақтау мамандарының АИТВ/ЖИТС мәселелері бойынша 3 кандидаттық диссертациялар қорғауларына мүмкіндік туғызды. 2003 жылы оның бастамасымен біздің орталықтың жұмысы туралы кітап жарық көрді. Емдеу-алдын алу бөлімінің меңгерушісі М. Е. Сорокина, медицина ғылымдарының кандидаты ғылыми дәрежесін алу үшін 2010 жылы «Әйелдердегі АИТВ-инфекциясы: клиникалық-иммунологиялық аспектілері және медициналық көмекті жетілдіру (Павлодар облысының мысалында)» диссертациясын қорғады.
Жұмыс тәжірибесін қорытындылау нәтижесі біздің мамандардың авторлығына арналған баспа басылымдары болды.
 |
 |
 |
 |
Қызмет еткен жылдар ішінде Павлодар орталығына Республикада алғашқылардың бірі болып пилоттық жобаларды іске асыруға мүмкіндік беретін кәсіби кадрлар қалыптасты:
- АИТВ-инфекциясын электронды бақылау (2002 жыл);
- Американдық халықаралық денсаулық сақтау одағының қолдауымен тік берілу жолының алдын алу бағдарламасы. ҚР - да бірінші болып АИТВ жұқтырған әйелдерді босандыру кезінде жоспарлы гемостатикалық кесарь тілігі енгізілді. Осының арқасында АИТВ-позитивті әйелдерден туған сәбилердің жұқтыру деңгейі 3,5 есеге жуық төмендеді;
- «бірыңғай терезе» қағидаты бойынша ОАТ (метадон) алатын пациенттерге қызметтер кешенін көрсету бойынша (2015 жыл);
- АҚШ-тың (CDC) АИТВ/ЖИТС-пен күрес жөніндегі ауруларды бақылау және алдын алу орталықтарының жаһандық бағдарламасы шеңберінде АИТВ-инфекциясына халықты тексерудің ұлттық тіркелімінің жүйесі әзірленіп, енгізілді (2017 жыл).
2008 жылдан 2015 жылға дейін орталықтың бас дәрігері А.Н. Жапарбеков болды.
Павлодар облысы әкімдігінің 2023 жылғы 25 сәуірдегі № 97/2 қаулысымен «Павлодар облыстық ЖИТС-тың алдын алу және қарсы күрес жөніндегі орталығы» КМҚК «Павлодар облыстық АИТВ-инфекциясының алдын алу жөніндегі орталығы» КМҚК болып өзгертілді.
2015 жылдан бүгінгі күнге дейін орталықтың жетекшісі Тентекпаев Ж.М.– жоғары санатты дәрігер-ұйымдастырушы.
Орталықтың 2 бөлімшесі (Екібастұз, Ақсу қалаларында), 2 Достық кабинеті, 15 сенім пункті (12 стационарлық, оның 9-ы қалалардың медициналық ұйымдарында орналасқан, 3-і жылжымалы) бар.
Әдістемелік және алдын алу іс-шараларды ұйымдастыру бөлімнің қызметі: орталықтың құрылымдық бөлімшелеріне, медициналық, ведомстволық және қоғамдық ұйымдарға аймақта ЖИТС іңдетіне қарсы іс-қимыл бағдарламалары бойынша ұйымдастырушылық-әдістемелік көмек көрсету; орталық қызметінің құқықтық қамтамасыз етуі, АИТВ-жұқпасы бар адамдарға заң бойынша көмек көрсету.
АИТВ-жұқпасына эпидемиологиялық қадағалау жүргізу бөлімнің қызметі: АИТВ/ЖИТС-қа эпидемиологиялық қадағалау жүргізу; АИТВ-жұқпасы бар және ЖИТС-пен ауыратын адамдардың есебін жүргізу; халықтың АИТВ-ға тексерілуін ұйымдастыру.
Емдеу-алдын алу көмек бөлімнің қызметі: АИТВ-жұқпасы бар адамдарға және ЖИТС-пен ауыратын науқастарға мамандандырылған амбулаториялық көмек көрсету; медициналық ұйымдарға ұйымдастырушылық-әдістемелік кеңес және клиникалық көрсеткіштері бойынша АИТВ-ға тест өткізу мақсатымен құрамды тандау үшін диагностика, емдеу, психо-әлеуметтік кеңес беру бойынша көмек беру.
Диагностикалық зертхана бөлімнің қызметі: облыс тұрғындарын АИТВ-ға қарсы денелердің бар болуына скринингін өткізу; АИТВ-жұқпасы бар адамдардың В, С гепатиттеріне және ЖИТС-жұқпаларына зерттеуін өткізу, АИТВ-жұқпасы бар адамдардың клиникалық-биохимиялық зерттеулерін өткізу.