Павлодар облыстық АИТВ орталығында облыстың медициналық ұйымдарында АИТВ мәселелеріне жетекшілік ететін мамандар үшін АИТВ-инфекциясының алдын алу мәселелері бойынша оқыту семинары өтті.

Орталықтың спикерлері, оның ішінде зертхана, есепке қою кезеңдері, АИТВ жұқтырған әйелдерден туған балаларды диспансерлік бақылау кезінде не нәрсеге назар аудару керектігі, сондай-ақ медициналық көмек көрсету кезіндегі іс-қимыл алгоритмі, қан алуға, вакцинациялауға, хирургиялық араласуға және т.б. байланысты рәсімдерді жүргізу туралы айтып берді.

Қан алу процедурасына, АИТВ-инфекциясына биоматериалды сақтауға және тасымалдауға байланысты ықтимал қателіктер қарастырылды.

Осындай оқыту семинарлары тоқсан сайын тұрақты негізде өткізіліп тұратын болады.