Медицина қызметкерлері күніне арналған салтанатты іс-шара
Бүгін Павлодар облыстық АИТВ-ның алдын алу жөніндегі орталығында медицина қызметкерлері күніне арналған салтанатты іс-шара өтті.
Орталық басшысының міндетін атқарушы Б. Жанахметова ұжымды кәсіби мерекемен құттықтап, облыстың денсаулық сақтау басқармасының, SENIM кәсіподағының Павлодар облыстық филиалының, Павлодар облысының «Саламатты Павлодар» Медициналық қауымдастығы» қоғамдық бірлестігінің Құрмет грамоталары мен алғыс хаттарын табыс етті.
АИТВ орталығы ғимаратының дәліздерінде және дәрігерлер кабинеттерінің есіктерінде әзіл-оспақты тілектер, түрлі-түсті шарлар мен мерекелік ашықхаттар тек Орталық қызметкерлері үшін ғана емес, келушілер үшін де ілінген.
Салтанатты іс-шара барысында дәстүр бойынша медицина қызметкерлері «Ақ халатты адамдар» медициналық гимнін орындады, содан кейін көңілді конкурстар мен әзіл-сықақ қойылымдарда эрудиция мен тапқырлық танытты. Медицина қызметкерлерінің бір бөлігі Естай атындағы қалалық мәдениет сарайында өткен салтанатты шараға қатысты.